Süvâr Olup Gül-i Sûrî Gibi Bâd-ı Bahâr İle
27.02.2017Süvâr Olup Gül-i Sûrî Gibi Bâd-ı Bahâr İle
Süvâr olup gül-i sûrî gibi bâd-ı bahâr ile
Gelürsen bir seher gülzâr-ı vasla rûzigâr ile
Olup demler kademler devlet-i ‘ışk-ı nigâr ile
Hayât-ı câvidân el vire ‘ömr-i bî-şumâr ile
Sana cân muntazır olmag içün çeşm-i hezâr ile
Göz oldı tende her bir zahm tîg-i intizâr ile
Beden müstagrak-ı hûn oldı zahm-ı hâr hâr ile
Yürek sad-pâre oldı gonce gibi zahm-ı hâr ile
Hezârân dîde-i hûn-pâş u çeşm-i eşk-bâr ile
Demidür ire maksûdına ‘Âşık âh u zâr ile
Seni gözler dü çeşm-i hûn-feşânum niçe demlerle
Gel ey nûr-ı basar merdümlük it demler kademlerle
0
1
Yorum Yapmak için Kayıt Olun veya Giriş Yapın