Sûz-ı dilden sînede biryân olurdı murg-ı cân

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Sûz-ı dilden sînede biryân olurdı murg-ı cân

 Nâveküñ uçurmayaydı anı ey kaşı kemân

 

2. Komamışdı derd-i hicrânuñ ilik ben hastada

 Ey kaşı yâ geldi tîrüñ oldı magz-ı üstühân

 

3. Gice dest-i âhum itdi atlas-ı çarhı fenâ

 Penbesi çıkdı kabâsından degüldür kâhkeşân

 

4. Bir eti cânı yirinde hûbdur ol sîm-ten

Şem‘üñ ey dil cism-i zârında ne et vardur ne cân

 

5. Hâk-i râh-ı yâr olıgör kim ülü'l-ebsâr-ı ‘ışk

 Kühl ide Emrî gubâruñ üstühânuñ sürme-dân

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427