Tâ ışkuñı şehâ varak-ı câne yazmışam

Tâ ışkuñı şehâ varak-ı câne yazmışam (432/1)

Levhi göñülde aduñı cânâne yazmışam

 

Sen hîç sormaduñ beni şîrîn budur ki ben (432/2)

Şekker-lebüñe cânumı şükr-âne yazmışam

 

Göñlüm evini ışkuñ-ıçun dutmışam makâm (432/3)

Genc-i nihânı gör ki ne vîrâne yazmışam

 

Hayretdeyem ki dudaguña lal dimişem (432/4)

Hacletdeyem ki dişüñi dür-dâne yazmışam

 

Bir kez cemâlüñe nazar idem didüm şehâ (432/5)

Mûsâ bigi tecelli_odına yane yazmışam

 

Susalıgumda lalüñi zikr eyledi dilüm (432/6)

Âb-ı Hayâta Hızr bigi kane yazmışam

 

Yüzüñ sıfatın Ahmedi imlâ ideliden (432/7)

Gör kim ne hûb vech-ile dîvâne yazmışam

 

Dr. Yaşar AKDOĞAN, Ahmedî DÎVÂNI, T. C. KÜLTÜR VE TURİZM BAKANLIĞI, 3141 KÜLTÜR ESERLERİ 424