Tâ ki hüsnün sûret ü ma’nîde davâ görsedür
Ârızun nûrı cemâlünden tecellâ görsedür
Secde-i îmân getürmez kaşlarun mihrâbına
Her basîretsüz kim anı tâk-ı Kisrâ görsedür
Sûre-i seba’l-mesânî hatt-ı ruhsârundadur
Şol cihetden sûretün mürşîde ma‘nâ görsedür
Ey Mesîhâ-dem senün enfâs-ı lâlün âşıka
Nefha-i rûhu’l-kudüsden nutk-ı Îsâ görsedür
5. Kim ki hayrân olmaz ol maşûkanun ruhsârına
Ehl-i dil ol müşriki ma’nîde amâ görsedür
Zâhidâ gel secde kıl şol sûret-i Rahmâna sen
Secde-i Hak sana çün ehl-i takvâ görsedür
Çün Hakîkî her ki Mansûr oldı der-meydân-ı ışk
Ber-ser-i dâr-ı mahabbet şart-ı da‘vâ görsedür
 
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368