Fâ‘ilâtün Fâ‘ilâtün Fâ‘ilâtün Fâ‘ilün
1 Tâ ki oldı ol tabîb-i cân u dil benden cüdâ
Sabr u sıhhat dostlar olmış durur tenden cüdâ
2 Dögerem keff-i terâzû gibi sînem taş ile
Olalıdan ey zamâne Yûsufı senden cüdâ
3 Dostlar cân gülşenin tutdu ecel hârı dirîg
İdemedüm ol gül-i ra‘nâyı düşmenden cüdâ
4 Şâm-ı fürkatde yitürdüm şehr-i vuslat râhını
Ben garîb ey dostlar ol şem‘i rûşenden cüdâ
5 Ol gülüñ hâr-ı gamı zahmın çekerdün Suni‘yâ
Tâ olınca bülbül-i cân gülşen-i tenden cüdâ
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep