Tâ mahabbet kıldı ta‘lîm-i suhandânî bana

 

Fâ‘ilâtün Fâ‘ilâtün Fâ‘ilâtün Fâ‘ilün

 

1 Tâ mahabbet kıldı ta‘lîm-i suhandânî bana

İtdiler teslîm bülbüller gülistânı bana

 

2 Bir nefes başumdan ayrılmaz perîşân hâtırı

Zülf-i hûbân oldı gûyâ hatt-ı pîşânı bana

 

3 ‘Ârî oldum tâ libâs-ı dehrden âyîneveş

Nev-kumâş-ı bî-niyâzî oldı ‘uryânî bana

 

4 Dâr-ı Mansûr olmamışdı zîver-i bustân henûz

Küfr-i zülfün itdi teklîf-i müselmânî bana

 

5 Câm-ı pür-hûn görinür Âgâh vasl-ı yârsuz

Sunsa gerdûn sâgar-ı mihr-i dırahşânı ban

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,