Tâbiş-i meyle dü-ruhsâruñla matla‘dur baña

 
 
-.-- / -.-- / -.-- / -.-
 
Tâbiş-i meyle dü-ruhsâruñla matla‘dur baña
Ol hayâl-engîz ebrûlar dü-mısra‘dur baña
Cebhe-i sâf-ı safâ-hîzüñde zâhir naks-ı mâh
Kir getürmiş rûyına ol bû müşa‘şa‘dur baña
Şevk-i rûyuñla derûn –ı tîreye yakdum çerâg
Cism-i zerdüm hazz içün anı muşamma‘dur baña
Farkuma pâmâl-i esb-i yâr olınca na‘l ile
Açdıgum güller degül vefk-i murabba‘dur baña
Çeşmüme seyl-i belâdur kalbe mihnet âteşi
Sûz-ı bahr-i vaslda her demde enfa‘dur baña
Nâzır-ı ruhsâr-ı yâr olsa rakîb-i bed-sirişt
Âb-ı sâfîye mukâbil şekl-i minka‘dur baña
Kilk-i sehhârı Sa‘îdüñ hayli efsûn-kâr imiş
Bir bakışda hüsn-i matla‘ hüsn-i makta‘dur bana
 
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636