VI
TAHMÎS-İ GAZEL-İ HAZRET-İ NEŞéET
fe’ilâtün fe’ilâtün fe’ilâtün fe’ilün
1
Mücrimân-ı dilümüñ sâkin ü âvâresi var
Birbirine yine kevkeb gibi nezzâresi var
307
Dâg-dâg-ı dil ile eşküñ ‘aceb aresi var
“Dîdede eşk-i derûnın nice biñ yaresi var
Âsmân-ı dilimüñ sâbit ü seyyâresi var”
2
Merhametsüz şu sitemkâre-i dehri gör kim
Şu zen-i kahbe-i mekkârî-i dehri gör kim
Be şu vahşî be şu gaddâre-i dehri gör kim
“Sitem-i Hind-i ciger-hwâre-i dehri gör kim
Eşkümüñ katrelerinde cigerüm pâresi var”
3
Leyle-i ma’siyeti tevbe ider nûr-ı nehâr
Jeng-i rûy-ı siyeh-i miskaledür istigfâr
Zulmet-i yaşı görüp baş götürme zinhâr
“Merdüm-i dîde olur mazhar-ı feyz-i envâr
Rû-sepîdân-ı ümîdem yüzümüñ karesi var”
4
Añılur bunca zamândur küremâdan Hâtem
Mâl ü cân bezli ile oldı o memdûh-ı ümem
Varını virmeyene kim didi erbâb-ı himem
“Sanma dînâr ü diremle olur ashâb-ı kerem
Mâhiyânuñ dahi haylî pulı var parası var”
5
Bellidür ‘âşık olan gerçi gamı pinhândur
Râz-ı pinhânını her hâli anuñ gûyândur
‘Arsa-ı ‘aşkda çün top seri galtâñdur
“Ser-serî çerh gibi ser-sem ü ser-gerdândur
Her kimüñ sînede dâg-ı gam-ı meh-pâresi var”
6
Diyeli rişte-i ünsi bu cihândan uz kes
Olsa ‘ankâ dahi ‘indümde benüm perr-i meges
Nüh sene meyl ide göñlüm nedür ol herze me-res
“‘Âlemüñ çeşmi bu dil-dâra mühim-sâz teres
Be ne çok fâhişe dehrüñ zeni zen-pâresi var”
7
Tıbb-ı ‘aşka ideliden berü Pertev verziş
İderem çâre-i derd-i dil-i zâra kûşiş
‘Âciz oldukda ‘ilâcında be-hüzn ü nâliş
“Neşéet’e hâl-i dil-i zârdan itdüm pürsiş
Didi bî-çâre-i ‘aşkuñ niçe biñ çâresi var”
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0