Tâk-ı kisrâyı sorarsan yüri var hum-hâneye Câm-ı Cem sırrını bilmek ister isen iç şarâb
12.10.2017/ - . - - / - . - - / - . –
Yollar üstinde düşüp yatmazdı hergiz âfitâb
Câm-ı mihründen senün ger olmasa mest ü harâb
Subh-dem gördüm mahallende sana sunmağ içün
Bir kızıl gül almış ey dil-ber eline âfitâb
Sâye-i serv-i bülendün yollar üstinde görüp
Dir hasedden cân u dil ya leytenî küntü türâb
Tâk-ı kisrâyı sorarsan yüri var hum-hâneye
Câm-ı Cem sırrını bilmek ister isen iç şarâb
Pâdişâhum kasrunı eflâke benzetsem nola
Kim yüzündür anda mâh ü âteşîn âhum şihâb
Korkarın ölür Revânî kahr ile ey bi-vefâ
Nice bir cevr ü cefa vü nice bir nâz ü ‘itâb
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
0
0
Yorum Yapmak için Kayıt Olun veya Giriş Yapın