fâ’ilâtün fâ’ilâtün fâ’ilâtün fâ’ilün
1 Tâkler giryem görüp tâk üzre giryân tırmaşur
Haddüñi gül görse ammâ serve handân tırmaşur
2 Leblerüñden bir şifâ-yı sadr olur söz almaga
Nerdbân-ı üstühwân-ı sînede cân tırmaşur
3 Geh ser-i zülfi ne var kılsa perîşân dil evin
Âşiyân-i mürg içün nahl üzre mârân tırmaşur
4 Sîne-i kâfûr-gûn-ı yâri seyrân itmege
Yâsemen dîvâra hem-çün ‘aşk-pîçân tırmaşur
5 Gökde mümkin Pertevâ ol mâhı görmek diseler
‘Ankebût âsâ nigâhum âsmâna tırmaşur
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0