Takrîz be-Edhem ü Hümâ-yı Sâbit Efendi ( Kısa mesnevi)
fe‘ilâtün mefâ‘ilün fe‘ilün
1 Habbezâ dâstân-ı ‘ibret-zâ
Merhabâ nazm-ı pâk-i tâze-edâ
2 Şâd bâdâ hemîşe bâdâ-şâd
Rûh-ı pâk-i ‘Atâyi-i üstâd
3 Oldı Sâbit ‘Atâyi-i sânî
Tâzelendürdi bâğ-ı ‘irfânı
4 Oldı pervâz-dih-i hümâ halefi
Edhem-i kilki çulladı selefi
5 Katı yüksekde eylemiş cevelân
Edhem-i kilkine hümâdur uyan
6 Evce çıkdı hümâ gibi şânı
Edhem-i kilki aldı meydânı
7 N’ola bu nazm-ı pâk ile her dem
Göge çıksa Hümâ gibi Edhem
8 Yâd iderler turınca arz u semâ
Edhem ile Hümâ’yı beynehümâ
9 Bu konuş bu kopuş bu tâze zemîn
Kâmiyâ sad pesend ü sad tahsîn
10 Çemen-i nazm tâ ola nâbit
Ola bu Edhem ü Hümâ sâbit
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0