Tañ mı feryâd eylesem ol gül-‘izârumdan cüdâ

 

4

Fâ‘ilâtün Fâ‘ilâtün Fâ‘ilâtün Fâ‘ilün

 

1 Tañ mı feryâd eylesem ol gül-‘izârumdan cüdâ

Bülbül-i âvâreyem düşdüm bahârumdan cüdâ

2 Nâfe-veş hûn eyleyüp bagrum saçuñ sevdâları

Düşürüp sahrâlara itdi diyârumdan cüdâ

3 Cân virürsem la‘l-i şîrînüñden ayru Hüsrevâ

Rûh-ı Ferhâd olmaya bir dem mezârumdan cüdâ

4 Ölicek gamdan beni Yârabbi hâlî eyleme

Olmayam gurbetde tâ kim gam-güsârumdan cüdâ

5 Rûzgâr ile sovuk deprense âhum tañ degül

Suni‘yâ itdi beni ol nevbahârumdan cüdâ

6 Dâg-ı hasretler göz olmışdur tenümde dostlar

Kanlar aglar dem-be-dem ol gül-‘izârumdan cüdâ

7 Yerde gökde âh kim yokdur karârum rûzgâr

Ben gubârı ideli kûy-ı nigârumdan cüdâ

 

Gelibolulu Sun’î (1486- 1534) Hayatı..

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep