Târîh-i Gerdûne-i Garrâ Berây-i Sultân Ahmed Hân-i Sâlis

Târîh-i Gerdûne-i Garrâ

 

Berây-i Sultân Ahmed Hân-i Sâlis

 

mef’ûlü fâ’ilâtü mefâ’îlü fâ’ilün

 

 1. Hân Ahmed-i yegâne şehenşâh-i bahr ü ber

 İskender-i zamâne hıdîv-i cihân-penâh

 2. Fermân idüp yapıldı bu gerdûne-i latîf

 İtmâmını mübârek ide hazret-i İlâh

 3. Gerdûne sanma taht-i Süleymân misâl olur

 Bindükçe ferr ü şevket ile ana pâdşâh

 4. Zerrîn kafesleri iki yanında gûyiyâ

 Oldı hümâ-yi lâne-i ikbâle cilvegâh

 5. Oldı güşâyiş-i der-i baht-i şehenşehe

 İki güşâde penceresi şâhid ü güvâh

 6. Gerdûn-i saltanatdur o gerdûne-i latîf

 Gül-mîh-i zer-feşânı n'ola olsa mihr ü mâh

 7. Perverdigâr devlet ü ‘ömrin füzûn idüp

 Râhat ide içinde o sultân-i Cem-sipâh

 8. Târîhine muvaffak olup Sâmiyâ didüm

 Gerdûne-i musanna’-i nev-tarh-i pâdşâh sene [1122]

 

(Fatma Sabiha KUTLAR OĞUZ, ARPAEMÎNİ-ZÂDE MUSTAFA SÂMÎ  DİVANI https://ekitap.kulturturizm.gov.tr/Eklenti/10592,arpaeminizade-samipdf.pdf?0