105
 
Fe‘ilâtün Fe‘ilâtün Fe‘ilâtün Fe‘ilün
 
1 Tek ceres gibi bu deyr içre göñül ehl-i dil ol
Mey-i ‘ışkıyla gerek turna gerek kanzil ol
2 Göz kıpar rez kızıña gördüm öpüşir sâki
Duhter-i rez kızıben oldı dilâ kıpkızıl ol
3 Dil uzadup dil-i dîvâneye tîrüñ ey mâh
Kaşlaruñ yay misâli olısar muttasıl ol
4 Kendü fi‘liyle degüldür dil-i dîvâne işi
Yine ey mâh-ı perî-çihre olur munfasıl ol
5 Tâc-ı devletdür anuñ izi benüm başum içün
Eşk-i çeşmüñle işiginde yüri Sun‘î gil ol
 
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep