TERCÎ-BEND Yüri ey fi‘li zulm ü kavli yalan

 

 

 

Fe‘ilâtün/ Mefâ‘ilün/ Fe‘ilün

Yüri ey fi‘li zulm ü kavli yalan

‘Ahdine turmayan şeh-i hûbân

Yüri ey mâh-rûy-ı hercâ'i

Yüri ey mihrbân-ı halk-ı cihân

Yüri el lutfı az idüp dâ'im

‘Âşıka cevri çog iden cânân

Yüri ey dayf-ı meclis-i agyâr

Yüri ey şem‘-i bezm-i her nâ-dân

Yüri ey mülk-i hüsne mâlik olup

Cânib-i zulme meyliden sultân

Seni sanurdum ey ‘azîzüm ben

Mısr-ı ‘ismetde Yûsuf-ı Ken‘ân

Sakınurdum seni yavuz gözden

Olmasun kimse dir idüm nigerân

Bilmez idüm senüñ sefâhatüñi

Eyler idüm yoluñda cânı revân

Böyle sanmaz idüm seni sen hod

İder imişsin illere ihsân

Mîdehedlikde yog imiş mislüñ

Lutf u ihsân imiş işüñ her ân

Küngehi ne ‘aceb kinik var imiş

Turmaz agçaladursın anı hemân

Yüri hey cilf-i nâ-halef oglan

Kîrler tîrine hedef oğlan

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009