28.11.2021
Terkîb-i Bend'den İlk Bend
Sâkî bize en puhtesini sun mey-i nâbın
Zîrâ işimiz himmetine kaldı şarâbın
Aşkın ne bilir zevkini sûfî-i asel-nûş
Anlar mı ayık neş'esini âlem-i âbın
Beyt-i dilini dâniş ile etmeyen âbâd
Ma'mûr sanır sadrını her hâne-harâbın
Sîr-âb olurum sanma kuru bir görünüşdür
Çok teşne yoruldu hevesiyle bu serâbın
Fırsat deminin eyle temâşâ güzerânın
Ol dîde-güşâ seyrini seyr eyle sehâbın
Bilmez kişi kadrin ni'amın gitmeden elden
Sor pîrlere kıymetini ahd-i şebâbın
Ahvâlini tatbîk eder şer'-i kavîme
Ehvâlini endîşe eden rûz-ı hesâbın
Zülmü ayak altında bırakdı onu seyr et
Efrâsa cefâ olmağın âyîni rikâbın
Râhat bulur olmağla tenend ehl-i kanâ'at
Cânın düşürür tehlikeye hırsı zübâbın
Kes halkdan ümmîdi mukîm-i der-i Hakk ol
Şâhâna eder nâz gedâyânı bu bâbın
A'dâ-yı adüvvün bulunan nefsini zabt et
Geç her dü-serâdan dilini Hâlık'a rabt et (Muallim Nâcî)
Kaynakça
Arslan, M. (2015). Türk Edebiyatı İsimler Sözlüğü. Türk
Edebiyatı İsimler Sözlüğü:http://www.turkedebiyatiisimlersozlugu.com/index.php
Pekolcay, N., Eraydın, S., Tahralı, M., Uzun, M., Subaşı, M. H. (1981). İslâmî Türk
Edebiyatı: Giriş. (2. Baskı). İstanbul: Dergâh Yayınları.
0
0
Yorum Yapmak için Kayıt Olun veya Giriş Yapın