TESDÎS

TESDÎS

[mefâ’îlün mefâ’îlün mefâ’îlün mefâ’îlün]

I

1 Şitâ hengâmı geçdi şimdi nevbet nev-bahâruŋdur

2 Olupdur yemyeşil nehr ile ber câlem kenâruŋdur

3 Salın deryâ-yı Işka çünki ol mâhî şikâruŋdur

4 Tevekkül ber-Hudâ ile oŋarmak Kirdgâruŋdur

5 Vücûduŋ zevrakın sal bahr-iışka rûzgâruŋdur

6 Hudânuŋdur oŋarmak sanma ey dil rûzgâruŋdur

II

1 Bu gül-zâr-ı fenâda bir sehî-kâmet ele girmez

2 Bu yolda virmeyince başuŋı devlet ele girmez

3 Ganîmet bil bu devri mevsim-i vuslat ele girmez

4 Gözüŋ aç dem bu demdür biŋde bir fursat ele girmez

5 Vücûduŋ zevrakın sal bahr-Iışka rûzgâruŋdur

6 Hudânuŋdur oŋarmak sanma ey dil rûzgâruŋdur

III

1 Açıldı gül gibi gül-zâr-ı âlem sebze-zâr oldı

2 Şalındı serv-kadler seyr-i bâga der-kenâr oldı

3 Nevâya başladı bülbül çemende sad-hezâr oldı

4 Havalar itidâl üzre muvâfık rûzgâr oldı

5 Vücûduŋ zevrakın sal bahr-iışka rûzgâruŋdur

6 Hudânuŋdur oŋarmak sanma ey dil rûzgâruŋdur

IV

1 Bugün meydân-ıışk içre hünerverlik idem dirseŋ

2 Başuŋ ortaya koyup tîgi serverlik idem dirseŋ

3 Bu çarh-ı pîre-zende ben de bir erlik idem dirseŋ

4 Bu deryâ-yı hakîkatde şinâverlik idem dirseŋ

5 Vücûduŋ zevrakın sal bahr-i ışka rûzgâruŋdur

6 Hudânuŋdur oŋarmak sanma ey dil rûzgâruŋdur

 

Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,