Tevakkuf İdelüm Hammâmdan Cânânımız Çıksun
27.02.2017
Tevakkuf İdelüm Hammâmdan Cânânımız Çıksun
Tevakkuf idelüm hammâmdan cânânımız çıksun
Kayırmaz intizâr ile ölürsek cânımuz çıksun
Şebîhûn itmek ister hâb geldi merdüm-i çeşme
Sımaga anı eşk-i dîde-i giryânumuz çıksun
Tururlar sâye-i dîvârlarda muntazır ‘uşşâk
Sehâb-ı hâneden tâ mihr-i nûr-efşânumuz çıksun
Seher çâk-ı girîbân idelüm şevk ile gül gibi
Lihâf-ı sebzeden tek gonce-i handânumuz çıksun
Ölicek kabrümüz etrâfını zeyn itmege ‘Âşık
Duhânî lâle-veş dûd-ı dil-i sûzânumuz çıksun
0
0
Yorum Yapmak için Kayıt Olun veya Giriş Yapın