TEVHİD 'inden

İlâhî sensin ol Kâdî-i Hâcât

 Ki lâyıkdır saña ‘arz-ı münâcât

 2 İlâhî sensin ol Ma’bûd bi’l-hak

 Vücûd-ı vâcibiñ mevcûd-ı mutlak

 3 Nekâ’isden münezzeh nûr-ı zâtıñ

 O zât ile kadîmîdir sıfâtıñ

 4 İlâhî Hayy u Kayyûm-ı ebedsin

 Şerîkiñ yokdur Allâhu ehadsın

 5 Temânü’ ile olmuşdur müberhen

 İlâhü’l-’âlemîn sensin mu’ayyen

 6 Ezel sensin ebed sensin İlahî

 Çü sensin pâdişehler pâdişâhı

 7 Cihân hükmüñdedir yokdur vezîriñ

 Muhâl-ender-muhâl olmuş nazîriñ

 8 İlâhî sensin ol Bâkî vü dâ’im

 Seniñ emriñle ‘âlem oldu kâ’im

 9 Cihânı var edip ketm-i ‘ademden

 Hudûs etdirdiñ âsâr-ı kademden

……

  Sünbülzade Vehbi Hayatı