Tîr-i gam-ı nigâr ile ten yara yaradur
29.06.2016Tîr-i gam-ı nigâr ile ten yara yaradur
Şemşîr-i cevr-i yâr ile dil pâre pâredür
Öykünse haddüñe ne gam ey âfıtâb-ı hüsn
Mâh-ı sipihr kemdür o ne yüzi karadur
Hâlüñ hayâli hâtır-ı agyârı kıldı cây
Gûyâ karañu gicede rûşen sitâredür
Eş’ârum içre vasf-ı leb-i yâr gûyiyâ
Âb-ı zülâl içinde yatur la’l-pâredür
Çeşm-i hakâret ile nazar kılma dûstum
‘Uşşâk-ı haste-hâli de Allâh yaradur
Bâkî derûnum âteşinüñ dûdıdur felek
Mihr-i sipihr âhum odından şirâredür
0
0
Yorum Yapmak için Kayıt Olun veya Giriş Yapın