31
Fâ‘ilâtün fâ‘ilâtün fâ‘ilâtün fâ‘ilün
1 Tîr-i gamzeñ dil-berâ gel sîne-i sâfâna at
İdemez zâhid tahammül bu dil-i nâlâna at
2 Mahzen-i dilde nihân it cevher-i bî-kıymeti
Müşterî yok kimse almaz meclis-i şâhâna at
3 Kaçma nâ-merd olma ey dil gel cefâ-yı yârdan
‘Âşık iseñ nakd-i ‘ömrüñ uş reh-i cânâna at
4 Meşhediñ olsun kadîmî der-geh-i pîr-i mugân
‘Akl u fikr (ü) kîl ü kâli cümleten yabana at
5 İctinâb it gel kilâb-âsâ sakın itme cedel
Cîfe-i dünyâyı dilden ref‘ idüp nâ-dâna at
101
21a 6 Hîle-i nefs-i denîden bulmak isterseñ halâs
Cidd ü sa‘y it kendiñi var cânib-i pâkâna at
7 Turma sâhilde eger ‘âşıksañ itme ihtirâz
Fülk-i cismiñ Sıdkiyâ gel bahr-ı bî-pâyâna at
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0