Tur yola gir kârıbândan kalma kim yagı basar
06.06.2016
GAZEL
Fâ‘ilâtün Fâ‘ilâtün Fâ‘ilâtün Fâ‘ilün
Tur yola gir kârıbândan kalma kim yagı basar
Hânümânıñ elde iken eylegil aña hisâr
Korkaram ben kimseye kılmaz vefâ çarh-ı felek
Gaflet içinde bu ‘ömrüm yayını bir gün yasar
Bunda vü anda belâdan bulmadı hergiz halâs
Her kim İblîsiñ yolına ugrayup ayak basar
Her ki gafletden uyanmaz kim nasîhat diñleye
Ol kişiniñ gözini yarın cehennem açısar
Halk içinde adımız dervîş ü sûfî ehl-i dil
İllâ meger ehl içinde olmışuz kim bî-basâr
Ger ‘inâyet olmaya ferd-i Çalabdan âh u vâh
‘Akl-ı rûhânî çerisin leşker-i nefsim basar
Gör Sinân Ümmî cihân mâlın direnler hırsıla
Rızkını yer içer ancak artugın lâ-büd kusar
Tur yola gir kârıbândan kalma kim yagı basar
Hânümânıñ elde iken eylegil aña hisâr
Korkaram ben kimseye kılmaz vefâ çarh-ı felek
Gaflet içinde bu ‘ömrüm yayını bir gün yasar
Bunda vü anda belâdan bulmadı hergiz halâs
Her kim İblîsiñ yolına ugrayup ayak basar
Her ki gafletden uyanmaz kim nasîhat diñleye
Ol kişiniñ gözini yarın cehennem açısar
Halk içinde adımız dervîş ü sûfî ehl-i dil
İllâ meger ehl içinde olmışuz kim bî-basâr
Ger ‘inâyet olmaya ferd-i Çalabdan âh u vâh
‘Akl-ı rûhânî çerisin leşker-i nefsim basar
Gör Sinân Ümmî cihân mâlın direnler hırsıla
Rızkını yer içer ancak artugın lâ-büd kusar
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
Yorum Yapmak için Kayıt Olun veya Giriş Yapın