Turmaz dilim söyler oldum sırdan yine şikârım var
06.06.2016
Turmaz dilim söyler oldum sırdan yine şikârım var
‘Aceblemeñ söyledügüm sanasın ihtiyârım var
2 Beni hayrân iden her dem ol Vâhidiñ esrârıdur
Ötsün yine cân bülbüli bahâr irdi gülzârım var
3 Sır içinde sır dinilen fehm eyledüm neydügini
Melek bilmez ne bilsün cin ‘ilm içinde esrârım var
4 Saña bu elfâz-ı ma‘nâ nerden gelür dirseñ baña
Görilmez hattı gözile cân içinde yazarım var
5 Dahı içerüden haber vireyüm kim añlarısa
‘Akıl göñül cânım tuymaz bir gizlüce bâzârım var
6 Katre bahre irincegez ‘âşık ma‘şûk olur dirler
Gümânum yok gerçek imiş benüm buña ikrârım var
7 Her kim görüp gözden süzer hayâline irmez gider
Özden seven ‘âşıklara göstereyim dîzârım var
8 Anuñ-içün bilmedigim görmedigim yiller eser
Fikr eyledüm safâsından benüm benden firârım var
9 Ümmî Sinân taşma yüri ‘aklıñı dir şaşma yüri
Geçme hayâ kapusından sanma sakın zarârım var
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
