Tururken ‘aks-i rûy-ı yâr mir‘ât-ı derûnumda
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1. Tururken ‘aks-i rûy-ı yâr mir‘ât-ı derûnumda
Açılmaz mı gül-i ümmîd dâg-ı lâle-gûnumda
2. Derûnumda cünûn ol rütbe te’sîr eylemişdür kim
Nümâyân nâle-i zencîr her mûy birûnumda
3. Mü’eyyeddür kemâl-i küfr-i ‘âşık nass-ı îmânı
Budur ‘ayne’l-yakîn meşhûd mir’ât-ı zunûnumda
4. Bakarken gerden-i kâfûr-gûna hîn-i bismilde
Nedür bu cûşiş-i pey-der-pey ey kassâb hûnumda
ol güm-geşte-i sahrâ-yı bî-pâyân-ı ‘ışkam kim
Yine benden sorar râh-ı ümîdi reh-nümûnumda
6. Ben ol çâpük-süvâr-ı ‘arsa-i âlâm u ekdârum
Ki bâl ü per olur peydâ ten-i esb-i harûnumda
7. Tehî magzam Felâtun zannider ammâ beni herkes
Ümîd-i neş’e eyler nûş-ı câm-ı ser-nügûnumda
8. Degül Mecnûna teşbîh eylemek Kânîyi şâyeste
Hezârân Kays hayrân hâlet-i hayret-füzûnumda
Dr. İlyas YAZAR , K Â N Î D Î V Â N I, Ankara 2012
Yorum Yapmak için Kayıt Olun veya Giriş Yapın