Fâ‘ilâtün fâ‘ilâtün fâ‘ilâtün fâ‘ilün
 
1 Tutma nabzım çâre olmaz derd-i ‘aşka ey tabîb
Edviye mümkin degildür böyle derde ey tabîb
2 Olsa Lokmân u Felâtûn añlamaz bu ‘illeti
Böyle bir mahfî marazdur düşme lecce ey tabîb
3 Cânda mıdur tende midür fark olınmaz hâsılı
Âşikâr ‘illet degildür fikre düşme ey tabîb
4 ‘Âşıkıñ dermânı ancak vuslat-ı dil-dâr imiş
Bulınur mı bundan özge çâre söyle ey tabîb
5 Göñül imiş ‘aşkıñ makarrı bilmeyüz keyfiyyetiñ
Vâkıf olmak sa‘b u müşkil sırr-ı göñle ey tabîb
19a 6 ‘Aşk-ı Hakla devr ider bu ne revâk böyle müdâm
‘Aşk-ı Hak revnak virür rûy-ı zemîne ey tabîb
7 Sıdkiyâ bir peşşeyüz cism ile ammâ ma‘nâda
Ol Süleymân-ı zamânuz mülk-i ‘aşka ey tabîb

 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0