Urdı hicrân-ı ruhun âteş-i sûzân bana

 
Fe‘ilâtün Fe‘ilâtün Fe‘ilâtün Fe‘ilün
 
1. Urdı hicrân-ı ruhun âteş-i sûzân bana
 Ağlasa il ne ‘aceb ey leb-i handân bana
2. İhtiyârımla degül âh bu dîvâneligi
 N'eyleyem eyledün ey Leylî-i devrân bana
3. Seyr-i sahrâ dil-i sûzânıma teskîn mi virür
 Vakt-ı firkat od olur seyr-i gülistân bana
4. Heves-i la‘l-i leb ü zülf-i girih-gîr-i nigâr
 Yazdı bu mecma‘anı virdi bu dîvân bana
5. Düşübem bâdeye peymâlığa Mecnûn olubam
 Gör ne Leylâlığ ider dîde-i mestân bana
6. Eylesem ‘Örfî-i Şîrâz ile bahs olmaz ‘aceb
 Ki virüp lutf-ı Hudâ bâde-i ‘irfân bana
7. Fenn-i eş‘ârı Nigârî ne güzel ta‘lîm ider
. Pîr-i mugãn-ı ‘aşk-ı suhandân bana
 
SEYYİD MÎR HAMZA NİGÂRÎ
Prof. Dr. Azmi Bilgin , Nigârî [ö. 1885], DÎVÂN, 2011, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, 3289 KÜLTÜR ESERLERİ 482