Uykuda dün gece canım gibi canan gördüm,
Ten-i efsüdede kalkıp eser-i can gördüm.
Leblerin hasta iken ağzıma aldım billah,
Ey tabib-i dil ü can derdime derman gördüm.
Edirne gerçi güzeller yeridir ey hemdem,
Bursa’da dahi nice dilber-i fettan gördüm.
Nagehan kadre erip dün gece ben kaplıcada,
Bir gümüşten yapılı serv-i hıraman gördüm.
Ey Muradi şeh-i devran iken el’an seni,
Zülfüne kılmış esir ol şeh-i huban gördüm.
Kaynak: Kocatürk, Vasfi Mahir; Türk Edebiyatı Tarihi, Edebiyat Yayınevi, Ankara 1970.s.22