Uyûn-ı ehl-i Hakka matmahu’l-enzâr olur Kıble

Mefâ‘îlün Mefâ‘îlün Mefâ‘îlün Mefâ‘îlün

 

1. ‘Uyûn-ı ehl-i Hakka matmahu’l-enzâr olur Kıble

Mütûn-ı mücrimândan mâhî-i evzâr olur Kıble

2. Vesah-şûy-ı günâh olmakda kalmaz Zemzeme hâcet

Sirişk-i hâciyândan şöyle deryâbâr olur Kıble

3. Evinden kapusundan kimseyi Allâh redd itmez

Anuñ çün gâhda bûsegehi eşrâr olur Kıble

4.4b Görür ‘aks-i cemâl-i bâ-kemâl-i şems-i tahkîkî

O pîşânîye kim âyîne-i eshâr olur Kıble

5. Dıraht-ı tâze bâr-ı ‘ömrden müsmir-ter it zannı

Ki lâ-büd münbit-i her seyyidü’l-ezhâr olur Kıble

6. Ebâbîl Ebrehe-küşlük ne mu‘îndür hayâl eyle

Niçe te’dîb-bahş-ı düşmen-i bed-kâr olur Kıble

7. Gelür ebkâr-ı feyz ol sâhada ‘arz-ı cemâl eyler

Ziyâretgâh-ı eryâhı dem-i ebkâr olur Kıble

8.8a O rûhâniyyet ol zîbâ şurûk-ı nâr-ı feyz-â-feyz

Safâ-bahşîde sâfî niyyete hem-vâr olur Kıble

9. Sabâhü’l-hayr-i sîmâ-yı sa‘âdet andadur Kânî

Şümûs-ı gayb-ı feyze matla‘u’l-envâr olur Kıble

 

Dr. İlyas YAZAR , K Â N Î D Î V Â N I, Ankara 2012

 

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri