Vasl-ı gül ile bülbül şâd olmaga yaklaşdı

 

Mef`ûlü mefâ`îlün mef`ûlü mefâ`îlün

 

 1 Vasl-ı gül ile bülbül şâd olmaga yaklaşdı

 Mehcûr-ı sitem-dîde yâd olmaga yaklaşdı

 2 Sultân-ı bahâr idüp mülk-i çemeni teshîr

 Mahkûmı Süleymânveş bâd olmaga yaklaşdı

 3 Feryâdını bülbüller şimden girü dinletsün

 Divân-ı şeh-i gülde dâd olmaga yaklaşdı

 4 Şeh-bâz-ı hadeng-i yâr âgâz-ı şikâr itdi

 Mürg-i dil-i zâr ana zâd olmaga yaklaşdı

 5 Yâd itmez olaldan yâr Yahyâ dil-i şeydâyı

 Hicrân ile düşdi yâd olmaga yaklaşdı

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147