Vezn-i Ahar: Assılalar eylemişsin geldi

 
Assılalar eylemişsin geldi değdi nâleler
Eylemişsin merd-i da'vâ bezmde itdi eser
Geldi değdi bezmde nâme gibi bu nazm-ı ter
Nâleler itdi eser bu nazm-ı ter virdi haber
 
Şi'r-i hikmet bizlere bir dâd-ı Hak'dır tâ ezel
Bizlere bir genc-i aşkdır bahş idüp ol lem-yezel
Dâd-ı Hakdır bahş idüp âşıklara amma güzel
Tâ ezel ol ol lem-yezel amma güzel sun'-ı kader
 
Hizmet eyle bir kemâle sıdk ile var varı gör
Bir kemâle cândan teslim ol dildârı gör
Sıdk ile var teslim ol âriflere yalvarı gör
Varı gör dildârı gör yalvarı gör şâm u seher
 
KENZÎ tanzîr oldu rengin santıranc-ı fâilât
Oldu rengin işbu lügaz ma'rifet ilm-i necât
Santıranc-ı ma'rifet şâ'irlere âb-ı hayât
Fâ i lât ilm–i necât âb-ı hayât kim nûş ider
 
Me fâ î lün / Me fâ î lün / Me fâ î lün / Me fâ î lün
 
Harid FEDAÎ, Kıbrıslı Âşık Kenzi Divanı III, Yorum Matbaası, 1993, s. 8. / Harid Fedaî, Kıbrıslı Âşık Kenzi'nin Satrançları, Türk Bankası Kültür Sanat Dergisi, S. 15, 9.1994, s. 4