Vücûdum dâg-ı hûnînümle gûyâ gül nihâlidür
13.07.2016
[mefâ’îlün mefâ’îlün mefâ’îlün mefâ’îlün]
1 Vücûdum dâg-ı hûnînümle gûyâ gül nihâlidür
Ham olmış bâr-ı gamdan kâmetüm bir serv dalıdur
2 Yakasın çâk çâk itmiş yürür mestâne mestâne
Bu gün ol şûh-ı bî-pervâ yigitdür lâ-ubâlîdür
3 Sipihr üzre gören şekl-i hilâli şâm-ı hecrinde
Hayâl eyler ki ey meh-rû senüŋ kûyuŋ sifâlidür
4 Fezâ-yı ‘ışka dil murgı nola urur ise pervâz
Teninde her taraf tîr-i belâlar perr ü bâlidür
5 Neyüŋ bagrın delüp mutrıb terâne kıl ki Rahmînüŋ
Bu şi’r-i sûznâki ehl-i derdüŋ hasb-ı hâlidür
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
0
0
Yorum Yapmak için Kayıt Olun veya Giriş Yapın