Ya rab bihakk-ı sure-i Yasin ve kaf  ha,
Ya rab bihakk-ı Fatiha ve nun ve hel eta.
 
Edva-ı nuru mihrin ile zinde kıl dilim,
Esrar-ı aşk-ı pak ile ve’l-leyli ve’d-duha.
       
Ebru-yı hatt-ı yare kıl öz aşina beni,
Ya rab bihakk-ı elif lam mim ra.
 
Ezkar-ı şükr u hamd ola her bir işim müdam,
İhsan  u  lutfile  kıldın  bana   i’ta.
 
Ya rab bihakk-ı ayet-i ma kane Muhammed,
Al-i Ali’den etme beni bir nefes cüda.
 
Ya rab bihakk-ı Muhammed u çar Ali imam,
Makbul-ı derine  olam  bende  daima.
 
Ya rab du Hasan ve yek Hüseyin ile,
Güya kıl öz zebanımı her demde Rabbena.
 
Ya rab bihakk-ı Ca’fer ve Musa-yı ruh-ı pak,
Ruz-ı cezada şefi’ olalar onlar bana.
 
Ya rab bihakk-ı çeharde masum-ı ehl-i beyt,
Mir!at-ı derunum et onlarla pür cila.
 
Evsaf-ı Hasan cemal-i Nebi ve Veli,
Bulsun sözümün evveli bunlarla intiha.
 
Gavvvas-ı bahr- aşk olup izhar idem nice,
Ya rab nazm-ı lü’lü’-i mercan-ı bi baha.
 
Ya rab bihakk-ı sure-i Kevser bu Hilmi’yi,
Kandır şarab-ı aşk ile ver neş’e-i  beka.
 
                        https://www.dergahecan.com/e_kitap_dosyalar/hilmi_dede.html