Yâr hâl-i dil-i nâlânı ne bilsün nicedür

Fe‘ilâtün Fe‘ilâtün Fe‘ilâtün Fe‘ilün

 

1 Yâr hâl-i dil-i nâlânı ne bilsün nicedür

 Çekmeyen mihnet-i hicrânı ne bilsün nicedür

 

2 Gonçeveş anlamayan zevkıni âşüfteligün

 Hâlet-i çâk-i girîbânı ne bilsün nicedür

 

 3 Cevr idüp lutf-ı kıyâs itdügi çokdur bilürüz

 O perî ‘âdet-i insânı ne bilsün nicedür

 

 4 Bâg-ı hüsnünde gönül murg-ı nev-âmûhtedür 4a

 Revîş-i nâle vü efgânı ne bilsün nicedür

 

 5 Bî-haber kendi ser-i zülf-i perîşânından

 Hâl-i Âgâh-ı perîşânı ne bilsün nicedür

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,