Yâr içün halka lisânımla dil-âzâr olamam

 

171

 (Feilâtün Feilâtün Feilâtün Feilün)

 

 1 Yâr içün halka lisânımla dil-âzâr olamam

 Bir güle nisbet ile nîşter-i hâr olamam

 

 2 La’l-i nâbın emelim nûş-ı şarâb eyleyelim

 Devlet-i vuslata bî-neş’e taleb-kâr olamam

 3 Cem-i nakdîne bana dâg-ı derûn-ı iffet

 Celb-i emvâl-i halâyıkla ziham-dâr olamam

 4 Devlet-i marifeti câh-ı avâma veremem

 Nûr-ı hûrşîd iken nâr-ı şerer-bâr olamam

 5 Kendini satma bize çıkma mezâd-ı nâza

 Sevdigim müşterî-i şâhid-i bâzâr olamam

 6 Pây-mâl eyleyemez merdi ayag-ı bâde

 Duhter-i rez gibi bir fâcireye hâr olamam

 7 Kem degil niyyetim ol şûha neler var dilde

 Haşmetâ togrusu ben âşık-ı dîdâr olamam

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ