Fe`ilâtün fe`ilâtün fe`ilâtün fe`ilün
1 Yârden seng-i cefâ gelse niçün âh derin
Başumı yarsa da yâr yarıcun Allâh derin
2 Bâgbân her ne kadar göge çıkarsa ögerek
Kadüne nisbet ile `ar'ara kûtâh derin
3 Mest ü medhûş yatan rindi harâbât içre
Halk gafletde sanur ben ana âgâh derin
4 Irgüren Ka`be-i maksûda mahabbet yolıdur
Ben reh-i aşkı koyan sâlike gümrâh derin
5 Her zamân `ayş u safâ vakti midür ey Yahyâ
Dinlemezsin sözümi hîç sana geh gâh derin
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147