[fâ’ilâtün fâ’ilâtün fâ’ilâtün fâ’ilün]

 

1 Yârsuz peygûle-i hecr oldı çün mesken baŋa

Ey hayâl-i dost eğlence yetersin sen baŋa

 

2 Bezm-i gülşende şarâb-ı lâle-gûn nûş itmege

Lâciverdî kâsedür her gonca-i sûsen baŋa

 

3 İster iseŋ hâl-i Cemden ger haber nûş eyle câm

Açdı bu râzı seher-geh gonca-i gülşen baŋa

 

4 Bâd-ı gamdan tende söyinmezse nola şem’-i cân

Al fânûs örtüsidür kanlu pîrâhen baŋa

 

5 Dikmek içün tîg-i gamzeŋ çâkini hurşîdle

Rişte-i zerrîn ile ‘Îsî virür sûzen baŋa

 

6 Ân-ı hüsnüŋ seyr idüp gitdi karâr-ı ‘akl u hûş

Düşmen itmez dostlar anı ki itdüm ben baŋa

 

7 Bu hasen tarzuŋ kemâl ile hayâlatın görüp

Rahmiyâ tahsîn idüp Hüsrev ide ahsen baŋa

 

Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,