Yine cândan sevgilü ol şâh-ı hûbânum gider

 

106-

Fâ`ilâtün Fâ`ilâtün Fâ`ilâtün Fâ`ilün

 

1 Yine cândan sevgilü ol şâh-ı hûbânum gider

 Bir yaña cânum gider bir yaña cânânum gider

2 Gitdi rûz-ı vuslat irişdi şeb-i firkat yine

 Cânib-i garba bu gün ol mihr-i rahşânum gider

3 Dagıl ey sabr u karâr ey gam harâmî-veş iriş

 Mülk-i dil hâlî kalur devletlü sultânum gider

4 Ayrılık bilmem nedür hakkâ eceldür bu baña

 Ey müselmânlar acuñ kim dînüm îmânum gider

5 Ey Ziyâ’î göz açup bir dahı bakmam `âleme

 Çün gözüm nûrı gider hem nûr-ı Yezdânum gider

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ