Yine vâdî-i hışm ü çengi çeşm-i bî-amân tutmuş

Yine vâdî-i hışm ü çengi çeşm-i bî-amân tutmuş

Per-i Cibrîli zülf ol kahramâna sâyebân tutmuş

 

Yanar pervâne-i dil âteş-i yâkût-ı hançerden

Çerâğ-ı dîde-i ejderde hayfâ âşiyân tutmuş

 

Bu şeb hûnî-nigâhın mest tutdum sahn-ı sînemde

Girîzân olmamış ol kâtil-i çâlâki kan tutmuş

 

Zuhûr etmiş meger kim hatt-ı kâfer çetr-i perçemden

Dedim dâmân-ı çarhı fitne-i âhir zamân tutmuş

 

Olurdum ben de Gâlib pertev-endâz-ı cihân ammâ

Fürûg-ı mihr-i tab’ım bir meh-i nâ-mihribân tutmuş

 

https://ekitap.kulturturizm.gov.tr/Eklenti/10654,metinpdf.pdf?0