Yirde yaşum katresin bahr-ı mükedder sandılar

 

115-

Fâ`ilâtün Fâ`ilâtün Fâ`ilâtün Fâ`ilün

 

1 Yirde yaşum katresin bahr-ı mükedder sandılar

 Âsumân üzre şerâr-ı âhum ahter sandılar

2 Yandugınca nâr-ı gam derdinden irdi bûy-ı misk

 Göñlümi erbâb-ı şevk Allâh ki micmer sandılar

116

3 Göñlümüz nâr-ı gamuñla çok safâlar kesb ider

 Anda bu hâlâtı görenler semender sandılar

4 Cân-garîz oldugına bakmayup itdiler fedâ

 Yûsuf-ı Mısra seni şâhum birâder sandılar

5 Dil-rübâlar mâ’il oldılar Ziyâ’î hasteye

 Var ise anuñ sararmış yüzini zer sandılar

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ