[mef’ûlü fâ’ilâtü mefâ’îlü fâ’ilün]
1 Yiterdi cevr-i yâr ü cefâ-yı zamân baŋa
Bu ser de oldı bir yaŋa bâr-ı girân baŋa
2 Mihnet şebinde zülf-i siyâhuŋı kat’ idüp
Ey şem’ mâtem eyleyüben agla yan baŋa
3 Geysem ‘aceb mi şeb-pere gibi siyâhlar
Göstermez oldı mihr yüzin âsmân baŋa
4 Deryâ görince kanlu yaşum acımış dilâ
Söyler bu sırrı remz ile âb-ı revân baŋa
5 Hüsrev gibi zamânede Rahmî ferîd olam
Himmet iderse hazret-i şâh-ı cihân baŋa
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,