Yitmiş iki dereden su getürürse deryâ
27.02.2017Yitmiş iki dereden su getürürse deryâ
Yitmiş iki dereden su getürürse deryâ
Mâcerâ-yı yem-i eşkümle ne nisbet sanemâ
Kişver-i hüsn ü cemâle n’ola sultân olsan
Sâye salmış iki zülf üstüne mânend-i hümâ
Lem’a-i mihr-i ruhun irişe ana kapunda
Gökde istedügini yirde bulurdı ‘Îsâ
Söyledür ıssını mâl eski meseldür dilde
Beni ‘ışkundur iden şi’r ile böyle gûyâ
Bildürür kişiye eflâk-ı cenâb-ı Hakkı
Taraf-ı Ka’beyi ‘Âşık nitekim kıble-nümâ
0
0
Yorum Yapmak için Kayıt Olun veya Giriş Yapın