Yoķ yire śanma göñül būse-i cānān alınur

 
FeǾilātün FeǾilātün FeǾilātün FeǾilün
(FāǾilātün) (FaǾlün)
(46b)
 
1. Yoķ yire śanma göñül būse-i cānān alınur
Naķd-i cāna alınursa ķatı erzān alınur
2. ǾArż-ı ĥüsn itse ķaçan cāme-i al ile nigār
Gül-i raǾnā utanur11 lāle-i nuǾmān alınur
3. ǾAşķ sulŧānınuñ ordusına girdüm gördüm
Niçe başlar satılur cān virilür cān alınur
4. Āsitānumda Züleyħā ķulum olsun diyicek
Ħacletinden ķızarup Yūsuf-ı KenǾān alınur
5. Bāde ŧutduķda beni ķanumı dökdi tįġuñ
Nitekim ādemi ķan ŧutsa o dem ķan alınur
6. Ķāmet-i yāri koçup leblerini būs idicek
Serv başını śalar ġonce-i ħandān alınur
7. Āl idüp dāyim öper laǾl-i leb-i yāri ķadeĥ
Bezm-i meyde görüp ol ĥālini yārān alınur
8. Bāķį bendeñ leb [ü] dendānuñı vaśf itdükçe
Baġrı dürrüñ delinür laǾl ile mercān alınur
 
Beyhan KESİK, BİR YAZMADAN HAREKETLE BÂKÎ’NİN YAYIMLANMAMIŞ ŞİİRLERİ, Turkish Studies - International Periodical For The Languages, Literature and History of Turkish or Turkic Volume 7/1 Winter 2012, p.1489-1500 , TURKEY