Yüz sürdügümü görmedi ol pâya münâsib

Gazel

[19]

 [mef’ûlü / mefâ’îlü / mefâ’îlü / fe’ûlün]

 1 Yüz sürdügümü görmedi ol pâya münâsib

 Üftâde-dile olmadı bu pâye münâsib

 2 Kim biçdi ise bu çemenî sebz-kabâyı

 Boyuncadır ol kâmet-i bâlâya münâsib

   3 Gördükde dedim perçemini tarf-ı ruhunda

 Semmûr-ı siyeh-kâkülü dîbâya münâsib

 4 Alsın dil-i sad-çâki gehî destine cânân

 Bir şânedir ol zülf-i semensâya münâsib

 5 ‘Uşşâk zihâmından o şeh seyre çıkınca

 Bir yer bulamam ben de temâşâya münâsib

 6 Vasf etmege bir mısra’-ı berceste bulunmaz

 Ol kâmet-i mevzûn-ı dil-ârâya münâsib

 7 Râ kaşları medhinde olan nazmımı Vehbî

 Gördü kalemim yazmaga buraya münâsib

Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012

 Sünbülzade Vehbi Hayatı