Zâhidâ sen ‘ilm-i hakkı tevhîdi ‘irfânda gör
06.06.2016
GAZEL
Fâ‘ilâtün Fâ‘ilâtün Fâ‘ilâtün Fâ‘ilün
Zâhidâ sen ‘ilm-i hakkı tevhîdi ‘irfânda gör
Dürr-i a‘zam ister-iseñ haddi yok ‘ummânda gör
Ahsen-i takvîm dinildi şânıña insân-iseñ
Geç bu sûret nakşını gel ma‘ni’i insânda gör
Sûre-i Seb‘u’l-mesânîdür bizüm tefsirimüz
Aç gözüñ Ümmü’l-kitâbıñ vechini bak sende gör
Zâhir ü bâtın hezârân derdiñe ‘ayn-i devâ
‘İlm-i gayb-ıla kemâl-i hikmeti Lokmânda gör
Mazhar-ı ‘ilm-i Hudâ bil kalbiñi ey bahtlu
Hak buyurdı kim bu remzi âyet-i Kur’ânda gör
Ten fenâdur kıl fenâ evvel fenâ ölmezden öñ
Cân bekâdur ir bekâya sen seni Rahmânda gör
Ey Sinân Ümmî sakın aldanma agyârdan arın
Gün bugündür ir bugün ol yâr-ıla mihmânda gör
Zâhidâ sen ‘ilm-i hakkı tevhîdi ‘irfânda gör
Dürr-i a‘zam ister-iseñ haddi yok ‘ummânda gör
Ahsen-i takvîm dinildi şânıña insân-iseñ
Geç bu sûret nakşını gel ma‘ni’i insânda gör
Sûre-i Seb‘u’l-mesânîdür bizüm tefsirimüz
Aç gözüñ Ümmü’l-kitâbıñ vechini bak sende gör
Zâhir ü bâtın hezârân derdiñe ‘ayn-i devâ
‘İlm-i gayb-ıla kemâl-i hikmeti Lokmânda gör
Mazhar-ı ‘ilm-i Hudâ bil kalbiñi ey bahtlu
Hak buyurdı kim bu remzi âyet-i Kur’ânda gör
Ten fenâdur kıl fenâ evvel fenâ ölmezden öñ
Cân bekâdur ir bekâya sen seni Rahmânda gör
Ey Sinân Ümmî sakın aldanma agyârdan arın
Gün bugündür ir bugün ol yâr-ıla mihmânda gör
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
Yorum Yapmak için Kayıt Olun veya Giriş Yapın