Zamân-ı vuslatuñ añıldukca cism-i rûzgâr aglar
14.04.2016Mefâ‘îlün Mefâ‘îlün Mefâ‘îlün Mefâ‘îlün
1.Zamân-ı vuslatuñ añıldukca cism-i rûzgâr aglar
Sevâd-ı hattuñ eyyâmı görinse nev-bahâr aglar
2. Hayâl-i gonçe-i ruhsârı sünbülzâr-ı gîsûsı
Gelürse hâtıra ‘âşıkları leyl ü nehâr aglar
3. Ne kaldı ‘âşık-ı üftâdeye resm-i mahabbetden
Ki gelse meclise agyâr ider feryâd yâr aglar
4.Agardı sanma fart-ı giryeden çeşmân-ı ‘uşşâkuñ
Reh-i vasluñda câna kordu çeşm-i intizâr aglar
5. Misâl-i şîşe-i leb-rîz kim işkesde olmışdur
Derûnı ‘âşık-ı bî-çâre eyler inkisâr aglar
6.O âb-ı tâb-ı hüsni seyr idüp berk-i bahâr-âsâ
Şihâb-ı berk-i peyker-bâr-ı ebr-i şu‘le-bâr aglar
7.O kadd ü kâmet ile sen cemâlüñ ‘arz kıldukca
Göñül Mansûr-âsâ turma ber-bâlâ-yı dâr aglar
8. Ko ta‘nı eşk-i hun-pâş-ı şerâr-efşâna ey zâhid
Ne yapsun ‘âşık-ı bî-çârenüñ de derdi var aglar
9.O yaluñ yüzli âfet su gibi akdukca gülzâra
Miyân-ı âb u âteşdür yeri Kânî yanar aglar
Dr. İlyas YAZAR , K Â N Î D Î V Â N I, Ankara 2012
0
1
Yorum Yapmak için Kayıt Olun veya Giriş Yapın