39-

Mef`ûlü Fâ`ilâtü Mefâ`îlü Fâ`ilün

 

1 Zevk ü safâ gelür baña derd ü belâ-yı dost

 Mihr ü vefâdurur baña cevr ü cefâ-yı dost

2 Ey dil ümîd-i vaslı ko bâtıl hayâl imiş

 Çekmek gerek firakı budur muktezâ-yı dost

3 Ben hasteden diñüz ki etibbâ elin çeke

 El virmedi murâdum idem merhabâ-yı dost

4 İnsâf idüñ ki himmetüm a`lâ degül midür

 Bu geldi yâduma ki olam âşinâ-yı dost

5 Hîç Hakk revâ görür mi ki ben derdini çekem

 Agyâr ile safâlar ide ey Ziyâ’î dost

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ