Mef‘ûlü Mefâ‘îlü Mefâ‘îlü Fe‘ûlün
1. Zülf-i siyehüñ silsile-i câna tolaşdı
Tarf-ı külehüñ gûşe-i îmâna tolaşdı
2. Ser-tâ-be-kadem mûy-be-mû oldı girîfte
Tolaşdı göñül zülfine ammâ ne tolaşdı
3. Sâkî gice meclisde mey-i nâba göz itdi
Bu şîveyi seyr eyledi peymâne tolaşdı
4. İtdi kemer-i nâfe-i sûzânı keşûde
Ol tûde-i ‘anber-girîh câna tolaşdı
5. Bu cezbe vü an hep saña mevhûb-ı Hudâdur
An an dil-i sayd eyledi rindâne tolaşdı
6. Kırup geçürür gamze-i fettân cihânı
Varup ser-i zülfi serine şâne tolaşdı
7.7b Şemm itmege gîsûlarını bu gice Kânî
Dil başın uzatdı vü girîbâna tolaşdı
Dr. İlyas YAZAR , K Â N Î D Î V Â N I, Ankara 2012