Zülf ü ruhun ki şâm u seherden haber virür
Anun meşâmı rûh-ı beşerden haber virür
Şîrîn lebün hadîsi ki cân-bahş-ı âlemest
Şükr eylerem ki şehd ü şekerden haber virür
Mûsâ çü bildi remz-i enâ’llahı ârife
Ânestü nârı tûr u şecerden haber virür
Her kim ki gördi şevk-ı ruhun âfitâbını
Ehl-i basîre nûr-ı basardan haber virür
5. Peyveste tökdi kanumı mestâne çeşm ile
Ol gamzeler ki hûn-ı cigerden haber virür
Meydân içinde olmadı İsfendiyâr-ı ışk
Her bî-hüner ki ayb u hünerden haber virür
Keşf eyledi Hakîkî hadîsün beyânını
Ol dür-feşânı gör ki güherden haber virür
Her kim ki gördi vechüni ey hüsrev-i zamân
Ehl-i cihâna devr-i kamerden haber virür
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368