Zülfinün dillerle olan `akdin itmez yâr hall

 

Fâ`ilâtün fâ`ilâtün fâ`ilâtün fâ`ilün

 

 1 Zülfinün dillerle olan `akdin itmez yâr hall

 Intizâm-ı mülkine Hâkân-ı Çîn virmez halel

 

 2 Kurtılur çâh-ı zenahdâna düşen dil kayddan

 Mübtelâ-yı zülfine pâ-bend olur tûl-ı emel

 

 3 Işiginde yer idinmişdi dil-i bî-çâre de

 Itleriyle şûr u gavgâsı degüldür bî-muhâl

 

 4 Kadrini bildür sana kendin mu`ârız sanmasun

 Arızun arz it güle bir subh-dem gülzâra gel

 

 5 Merhabâ itmez diyü âzurde-hâtır olmasun

 Devlet-i pâ-bûsı Yahyâ'ya eger virmezse el

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147