MefāǾįlün MefāǾįlün MefāǾįlün MefāǾįlün

 

1 Açan zaħm-ı derūnum girye-i bādāmdur demdür

Beni rüsvā ķılan bu dįde-i bed-nāmdur nemdür

 

2 Buyur luŧf it diyü ķarşuñda yer göstermedin ķaśduñ

Meger ey āhū-yı vaĥşį bize ikrāmdur demdür

 

3 Mümeyyiz ķavl-i zü’l-vecheyne besdür meşreb-i ķāǿil

Eger meddāĥ ise medĥ itmedür źemmāmdür źemmdür

 

4 Ruħ-ı gülgūn-ı sāġar śanma ey mest-i mey-i vaśluň

Meger cām-ı gül-i ter ķābil-i āşāmdur şemdür

 

5 Žuhūr-ı ħaŧ-ı dil dildārı nerm itmiş saña müjde

Degül Ĥāmį nüvįd-i dil-güşā peyġāmdur ġamdur

 

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017